“Mühasibat uçotu + 1C” kursu
Sizi “Mühasibat uçotu + 1C” kurslarına qoşulmağa dəvət edirik!
Bu kurs kimlər üçündür?
- Mühasib və ya mühasib-operator olmaq istəyən hər kəs, sahəsindən və ixtisasından asılı olmayaraq;
- Mühasibatlıq sahəsində iş axtaranlar və yeni başlayanlar;
- Mövcud biliklərini təkmilləşdirmək istəyən mühasiblər;
- Mühasibatlıq sahəsində çalışan peşəkarlar: kiçik mühasib, baş mühasib və digərləri;
- Öz biznesini idarə etmək istəyən mikro və kiçik sahibkarlar və maraqlı olan digər şəxslər.
Kursun faydaları:
- Mühasibat və vergi uçotu sahəsində dərin biliklər əldə edəcəksiniz;
- Nəzəri biliklərinizi real iş şəraitində tətbiq etmək imkanı əldə edəcəksiniz;
- Mühasibin gündəlik iş prosesləri ilə yaxından tanış olub, hesabatların hazırlanmasını praktiki olaraq öyrənəcəksiniz;
- Mühasibat uçotunu daha səmərəli və düzgün şəkildə idarə edəcəksiniz;
- İş proseslərini sadələşdirəcək və avtomatlaşdırma imkanlarına yiyələnəcəksiniz;
- Sənədlərin düzgün və rahat şəkildə qeydiyyatını aparmaq bacarığını inkişaf etdirəcəksiniz;
- Bütün növ mühasibatlıq sənədləri ilə praktiki olaraq tanış olacaq və onların sistemə inteqrasiyasını öyrənəcəksiniz.
Təqdim olunan mühasibat kursları tələbələrə müəssisələrdə mühasib və ya mühasib köməkçisi kimi çalışmaq üçün zəruri bilik və bacarıqları qazanmağa imkan yaradır. Kursu uğurla tamamlayanlar kiçik mühasib və ya köməkçi mühasib kimi müxtəlif özəl müəssisələrdə iş tapmaq imkanı əldə edəcək, həmçinin iş zamanı qarşılaşdıqları hər hansı çətinliklərlə bağlı bizə müraciət edə bilərlər. Kurs, nəzəri biliklərin praktik məşğələlərlə birləşdirilməsi prinsipi üzərində qurulub.
Bu proqramı uğurla keçdikdən sonra məzunlar ilkin sənədlərin müstəqil şəkildə qəbulu və nəzarətini həyata keçirmək, əsas vəsaitlər, istehsal xərcləri və maliyyə nəticələrinin uçotunu aparmaq bacarığı əldə edəcəklər.
Təlimçi – Şahin Qurbanov
Azərbaycan Dövlət İqtisad Universitetinin “Maliyyə ve Kredit” üzrə bakalavr (2004-2008), “Maliyyə” ixtisası üzrə isə magistr (2009-2011) məzunudur.
2019-cu ildən etibarən müxtəlif sahələrdə (istehsalat, xidmət, kənd təsərrüfatı, tikinti və s.) fəaliyyət göstərən “SAPPORT MMC”də maliyyə meneceri və eyni zamanda “Caspian Rail MMC” logistika şirkətində Baş mühasib olaraq çalışır.
Daha öncə “MD Design” MMC, “NOBEL İLAÇ SAN. VE TİC. A.Ş.”, “Carlsberg Azerbaijan” kimi müxtəlif şirkətlərdə işləmişdir.
15 ilə yaxındır mühasibatlıq və maliyyə sahəsində fəaliyyət göstərən Şahin Qurbanov “ACCA” üzrə F1, F2, F3 beynəlxalq sertifikatlarının sahibidir. 2018-ci ildən bu günə kimi mühasibat uçotu və 1C mühasibat proqramı üzrə təlimçi kimi fəaliyyətini davam etdirir.
Peşəkar Mühasib Sertifikat imtahanını hər iki mərhələ üzrə müvəfəqiyyətlə vermişdir.
Qrupda iştirakçı sayı: 12-15 nəfər.
Kursun formatı: Əyani və onlayn iştirak imkanı.
Dərs müddəti və qrafiki: 25 dərs / Həftədə 2 dəfə, 19:00-21:00 saatlarında.
Kurs paketinə daxildir:
- 50 saat təlim (25 dərs + 2 aralıq imtahan və 1 yekun imtahan);
- Sertifikatların təqdim edilməsi;
- Bütün dərslərin video qeydləri və əlavə təlim materialları;
- Coffee break zamanı iştirakçılar üçün kiçik fasilə və rahatlıq.
Qeydiyyatdan keçmək üçün linkə daxil olaraq formu doldurun: https://crmform.azgroup.az/
Təlim müddəti ərzində və ondan sonrakı 1 ay ərzində iştirakçılar öyrəndiklərini praktiki olaraq tətbiq etməkdə və iş zamanı qarşılaşdıqları çətinliklərlə bağlı təlimçidən ödənişsiz konsultasiya dəstəyi ala bilərlər.
Təlimlərin video qeydləri aparılır və hər bir iştirakçı həm təlimi yenidən izləyə, həm də iştirak edə bilmədiyi dərsləri istədiyi vaxt izləyə bilər. Hər dərsdən sonra (1 gün ərzində) təlim materialları, o cümlədən köməkçi fayllar və cədvəllər, eləcə də video qeydlər iştirakçılarla paylaşılır.
Təlimlərin yekununda (keçirilən mövzular əhatə edən) sertifikat imtahanı olur. Nəticədən aslı olaraq iştirakçı və ya müvəffəqiyyət sertifikatı alırsınız. İştirakçı sertifikatı almaq üçün 80% davamiyyət, müvəffəqiyyət sertifikatı almaq üçün isə 80% davamiyyət və yekun imtahandan minimum 70% nəticə əldə etməlisiniz.
Kurs proqramı ilə tanış olun:
| Dərs 1-2 | Mühasibat uçotu və ikili yazılışlar |
| Mühasibatlığa giriş | |
| Maliyyə bərabərliyi | |
| Aktiv və passiv hesablar | |
| Debet və kredit anlayışı | |
| Gəlir və xərcin tanınması | |
| 1C ilə ümumi tanışlıq və kontragentlerın yaradılması | |
| Dərs 3, 4, 5 | Kassa və bank əməliyyatları |
| Pul vəsaitlərinin uçotu | |
| Kassa və bank əməliyyatları | |
| Təhtəlhesab şəxslərlə hesablaşmalar | |
| ƏDV depozit hesabı | |
| Baş verən əməliyatların sənədləşmə qaydaları | |
| 1C-də kassa əməliyyatları (kassa mədaxil və kassa məxaric orderləri) | |
| Dərs 6, 7, 8 | Mal-materiallar və digər qısamüddətli aktivlər |
| Mal-materialların və xidmətin uçotu | |
| Mal-materialların və xidmətin alışı proseduru | |
| Mal-materialların anbara mədaxil edilməsi və rəsmiləşdirilməsi (e-taxes) | |
| Material ehtiyatlarının anbar yerdəyişməsi əməliyyatları | |
| Mal-material ehtiyatlarının inventarizasiyası | |
| Anbardarın işləri | |
| Digər qısamüddətli aktivlər | |
| 1C-də mal-material və xidmət əməliyyatlarının aparılması |
I sınaq imtahanı
| Dərs 9, 10, 11 | Maya dəyəri və ehtiyatların qiymətləndirilməsi metodları |
| Mal-material ehtiyatlarının qiymətləndirilməsi metodları (LİFO, FIFO, AVCO) | |
| Alınan malların dəyərinin hesablanması (daxili və xarici alışlar üçün) | |
| Alışla bağlı çəkilən əlavə xərclər (daşınma xərclərinin və YGB üzrə rüsumların rəsmiləşdirilməsi) | |
| 1C-də əlavə və gömrük xərcləri əməliyyatlarının aparılması | |
| Dərs 12, 13, 14 | Əsas vəsaitlərin hesabı |
| Əsas vəsaitlərin alışı və istifadəsi | |
| Əsas vəsaitlərin amortizasiyası və amortizasiya metodları | |
| Əsas vəsaitlərin silinməsi və satılması üzrə əməliyyatlar | |
| 1C–də əsas vəaitlərlə bağlı əməliyyatların aparılması | |
| Dərs 15, 16 | Qeyri-maddi aktivlərlə aparılan əməliyyatlar |
| Qeyri-maddi aktivlərin alışı və istifadəsi | |
| Qeyri-maddi aktivlər və onların amortizasiyası | |
| Qeyri-maddi aktivlərin silinməsi və satılması üzrə əməliyyatlar | |
| 1C–də qeyri-maddi aktivlərlə bağlı əməliyyatlar |
II sınaq imtahanı
| Dərs 17-18 | Əməkhaqqı ilə bağlı aparılan işlər |
| Əməkhaqqının hesablanması ilə bağlı əməliyyatlar | |
| Məzuniyyət, əmək qabiliyyətinin müvəqqəti itirilməsinə görə hesablamalar | |
| Məzuniyyət, xəstəlik vərəqəsi, ezamiyyət zamanı əməkhaqqı və s. hesablanması | |
| Dərs 19-20 | Dövlət vergiləri |
| Vergi ödəyicilərinin təsnifatları | |
| Sadələşmiş vergi ödəyiciləri | |
| Fiziki şəxslərin gəlir vergisi | |
| Hüquqi şəxslərin mənfəət vergisi | |
| Ödəmə mənbəyindən vergi | |
| Hüquqi şəxslərin əmlak vergisi | |
| Aksiz | |
| Dərs 21 | İstehsalat və istehsalatla əlaqədar məsrəflər |
| İstehsalat məsrəfləri | |
| Tikinti üzrə məsrəflər | |
| İstehsalat və tikintidə əməkhaqqı və amortizasiya məsrəfləri | |
| Hazır məhsul | |
| 1C-də resept əsasında istehsal əməliyyatları | |
| Dərs 22 | Satış (gəlir) və satışın maya dəyəri |
| İstehsal olunmuş hazır məhsulun satışı | |
| Mal satışı | |
| Xidmət satışı | |
| Satışın maya dəyəri | |
| Dərs 23 | Balans hesabatı |
| Müəssisənin balans hesabatının hazırlanması |
| Dərs 24 | Mənfəət və zərər haqqında hesabatı |
| Müəssisənin mənfəət və zərər haqqında hesabatının hazırlanması |
| Dərs 25 | Pul vəsaitləri haqqında hesabat |
| Müəssisənin pul vəsaitləri haqqında hesabatının hazırlanması |
Proqramı yükləyin: Mühasibat uçotu + 1C kursu – Proqram
Kursa qoşulmaq, ödəniş detalları, başlama tarixi və digər məlumatlar haqqında ətraflı öyrənmək üçün aşağıdakı linkdən qeydiyyatdan keçə bilərsiniz. Əməkdaşlarımız ən qısa zamanda sizinlə əlaqə saxlayacaqlar: https://crmform.azgroup.az
Əlaqə:
